قصور وطرقات جبل نفوسة

دوس تمزگيديون ؤفس(1) ؤدجوت، سـ شرق مّالون ـاس نانّا تيواتريوين، تلاّ أف ئغف نـ درار، زارون ديس سي سوف [نـ] أثل(2)، تنميرت نّس مقّريت، د ؤدجون مّالون ـاس أمّي عامر ؤ علي أشمّاخي، تلاّ د ألمّاس نـ لغابت، ﴿كر د﴾ غرديس ـس ئزكو[ا]ن نّطن سـ ئس، د ؤدجوت سـ لقبلت مّالون ـاس تمزگيدا نـ ؤر سطّوف(3)، د ألمّاس نـ خريب تحادات (ص6) تمزگيدا مشّكيت مّالون ـاس نـ أمّي طاهر، سـ شرق د تيدي مّالون ـاس أمّي عبدالواحد، تلاّ د ألمّاس نـ تلات نـ ديسير نّطن سـ ئس ئزكوان يدروس.

سـ يوس أتـ هويد ئن أت لحارت، ديس روبّو د ؤداين د شارت نـ ئروبّان د ئمازيغن، دد نيت توسد أف ئغف نـ تحفافت د أژرو، سـ [ا]دوس تانوت ؤدجوت ؤل ديس ـش أمن رخان ديس سنت نـ تمزگيديوين، ؤدجوت أدّاي، د ؤدجوت مصعد.

ديس سـ شرق لكنيسيت نـ ؤداين، د ألمّاس نـ تلات د سّات ـس تيقسبت نـ خليفا ؤ مادي، تلاّ أف ئغف نـ درار ديس ؤفس نـ تيدّار، سنت نـ تمزگيديون، تايط سّات تيدي مّالون ـاس مرصاون، د سّات ـس لكنيسيت نـ ؤداين مقّريت تاسون اسد ؤداين نـ ئفران تژالّون ديس.

دد شارت(4) تيوه لاّنت د خريب غربي نـ تيقسبت، ئزكوان نـ ؤداين. قبلي اسن، د ئغف نـ تلات تانوت مّالون ـاس ؤ عيسي سّاوون سـ ئس أت معان، غاسرو مشّك يودان نّس ئباضيا، يوسد د ألمّاس نـ أخريب، ديس زگني ؤداين، دد زگني ئمازيغن.