قصور وطرقات جبل نفوسة

تلاّ ديس (ص7) تمزگيدا مقّريت مّالون ـاس مقّر ييسي أمّي عامر يتسعزم ديس. نّطن سـ ئس ئروان، مّالون غف ـس مقّر، "أوسّر ؤل يقد ـشي أيـ كّر أيـ فّغ. ؤسون اسد ئبژّيطن هوان ـد سـ أدّو ـاس، يملو ربّي شك د أجلّيد أمقران أتـ سيردد أمكان ووه؟ يوي ـد ربّي تجنويت نـ [و]نژار د يورو كامور سـ دنّگ ـاس، يسّيرد تن صبيح، ؤسون ـد أد سطشن ؤقدو ييه ؤل ياب أيـ طّف تصوتشي أن أسّ ؤ(1)".

د سّات أت معان تيقسبت نـ أت گرادا، د أت بوسرافا، أگار اسنت تمزگيدا مّالون ـاس أت بولال، تانوت مّالون ـاس غوراب، تلاّ د ألمّاس نـ خريب نيتن ئباضيا.

شرقي اسن غاسرو نـ ؤ تبخبو(2)، د ألمّاس نـ خريب، غرديس ـس تمزگيدا سـ شرق، د زّاويت [نـ] لحاج سالم، مقّوريت ئمول.

غربي اسن تيقسبت نـ أت مشوشا، د ألمّاس نـ خريب. ئباضيا، شرقي ـاس تمزگيدا نـ ئليشان مقريت، تژالون ديس تيقسبين شارت(3)، أسّ نـ لگمت.

گبلي نـ أت مشوشا سنت نـ تينا نـ أمن مّالون اسنت لملحا.

غربي اسنت تيقسبت نـ بانداو (ص8) ديس ؤفس نـ تيدار، ئباضيا، د ألمّاس نـ خريب، تلاّ د ئغف نـ درار. سـ [أ]دواس أژرو مقّور، ديس غاسرو تغازا نـ يودان ئمزوارن، أد گون شارت نـ ئفاسّن نـ تميدال. أتـ تسكرامن ديسنت ئقبّاش نّسن.

بحري نـ باندو ئغاسرا نـ تّورك سن، أگار اسن تمزگيدا د تيدار نـ تّورك ﴿دد﴾ أد گونت ؤير.

سـ أدّو غاسرو ؤمينج ؤسف نـ سلطان، غرديس ـس تمزگيدا مشّكيت د أسغ ديد ـس د ألمّاس نـ زّملت أف ئغف نـ تحفافت، سـ أدّو ـس تيط مّالون ـاس تيط نـ تگربوست.