قصور وطرقات جبل نفوسة

أنـ ادل سـ تيقسبت نـ ؤجلين، ديس تمزگيدا مشّكيت، أ تيگ ؤير نـ تيدّار، تلاّ أف ئغف نـ تحفافت سـ أدّو ـس ؤسف، د أزمّور يوسد سـ شّرق نّس.

سّات ـس تيقست نـ [ؤ]شباري، أگار اسنت تلات مشّكيت، دد نيت أف ئغف نـ تحفافت، ديس تمزگيدا، د أمن نّسنت سي تيط نـ تموگط، تلاّ د ألمّاس نـ درار، ؤنّوش أنـ سيول غف ـس.

سّات ؤشباري غاسرو نـ تلات نـ ؤميران، أگار اسنت درار. يودن توه أف توه، تلاّ دي بوط نـ درار ديس تمزگيدا، سّات ـس تلات نـ أزمّور، سـ أدّو ـاس لمقام، مّالون ـاس بوشيبا، تژارون ديس تسدنان، د ئرگازن، غاسرو ووه أ ييگ تميضي نـ تيدّار، ئباضيا.

سـ أدّو غاسرو تيقسبت مّالون ـاس تموگط، ديس تمزگيدا تلاّ د ألمّاس نـ درار، تمّاگل دنّگ ـاس تلات نـ ؤميران، د سـ أدّو ـس أت ئگناون أتـ يگ شارت نـ ئفاسّن.

سـ أدّو ـاس تيط نـ تموگط مقّريت مفنونيت، تت سسو تزداي، د أزمّور د تجيمي، أد گونت ؤفس نـ تميضيوين، هوگّان أمن نّس ئن أت گناون، كامون دي أسغ نـ أبو عوبيدا، د ألمّاس نـ تمزگيدا، د ديس ئفرون مقّوريت، هوگّان ديس (ص19) أمن، تسسوون سـ ئسنت تجيما يوه.

أف يوه، مّالون غف ـسن يودان، ؤگورن ئن أمن، د أت ئگناون د تاسون اسن ـد أمن د تيطّ [تـ]وه، توسد د ألمّاس نـ أژرو، أتـ سكم ـد ديس ؤفس نـ أگناو أمقران، تسيردن سـ أدّو ـس تسدنان ئقبّاش د طودفت، سّات ـس تانوت، أتـ تطشارون سـ ئس يودان، تلاّ د ألمّاس نـ درار، أمن نّس حلاون ئمول.

د ألاّغ نـ تموگط غاسرو نـ أت ئگناون يلاّ دي لخوشت ؤل ديس ـش أزمّور، ديس تزداي رخانت، ينّط سـ ئس أژرو سي كول أمكان، هوگّان سـ ئس يودان ئن جّفارت، ديد نـ ؤسف أمقران مّالون ـاس ؤسف نـ زّرگا، ينغل دي جّفارت، يفال أف شكشوك.