قصور وطرقات جبل نفوسة

دي فسّاطو، لمودير يتاس ـد سي طرابلس، د لكاتب سي ئفران، د لعضاوت أت فسّاطو، د لقاضي أتوركي سي طرابلس، د لموفتي د لعضاوت أت فسّاطو.

دي لالوت، لمودير د لقاضي سي طرابلس، د لكاتب سي ئفران، د لعضاوت سي لالوت.

لفصل دي بريد نـ لميري

نـ ئباب نـ درار

أد نطرن أف غاسرو سي ئغاسرا ؤفس نـ تميضيوين نـ ئمحباب، تاسون تيرو ئباب نـ غاسرو، دد حسبن(1) ئرگازن، د ئلغمان ئغف ئغف، د ئفوناسن سن سن سـ ئغف، د تاتّن سن ئفاسّن سـ ئغف، د تغاطّين ؤكژ نـ ئفاسّن سـ ئغف، د تزمّورين ؤكژ نـ ئفاسّن (ص40) سـ ئغف، د تزداي ؤير سـ ئغف، د تمطشين سنت نـ تميضيوين سـ ئغف.

تيرو، جرون ئغفاون، دد ژونون، تيرو ؤفس نـ تميضيوين نـ ئمحباب، أف ئغفاون كمّا يوس ـد ئن ئغف نـ لگروش فكون غف ـس، باب نـ ئمول ئمول، دد باب نـ دروس دروس، فكون ئن أمقران نّسن، دد نيت يفكو ئن سّندوق أمين.

لفصل دي تسطشي نـ ئباب نـ درار

سطشون سي ئمشم، د أدغاغ، د لغروف أشّار سـ تساريوين نـ أزمّور، د ئكوتّان نـ تزداي، د أشّار كمرنت سي ئمشم، أتـ گون سـ أدّاي تسقيفين، د تزقوين د ئكوكناون، د سـ دنّگ تميدال د لبراج يوه نـ ئمازيغن نـ ئفران، د أت تغوزيا، د تروميت، د لخلايفا، د رّياينا، د زّنتان، زگني [نـ] تيدّار نّسن سـ أدّو تمورت، غزونت د تغازا، د رّوجبان د أت فسّاطو، د ماي يقّيم ئن وازّن، ﴿سي﴾ سي ئمشم د أدغاغ.

لفصل دي تمدّورت نـ ئباب نـ درار نـ نفوسا

تامدّورت نّسن سي تيرزا، كرّزن دي دّمنت، د[ي] لخشايش د جّفارت د طّاهر.

ئفران جّفارت نّسن گطّيس د لمنشار دد سوف (ص41) أثل،(2) د لمقالب، لخلايفا د رّياينا ؤسف نـ سكفل د لموهل، زّنتان د رّوجبان لبيضا د دّناجي، فسّاطو د رّحيبات غدّو.