قصور وطرقات جبل نفوسة

لغابت نّسن أزمّور، تبّين ديس دي تگرست، ﴿ا﴾ تّادلن سي كتوبر تبّين، د تّگون [ت] دي تزقوين د ئگاجيون أ يقّيم أن يغمو صبيح، أتـ سفغون، [د] أتـ سقّرن ؤسّان، تاوين[ـت] ئن أندور، تگّون دي ئفرون، تقّنن ألغم دي عقا، دد عقا أدغاغ مقّور، يزگرت أشّار، يمگرگب، ئبوراع د ألمّاس نّس، سـ أدّو ـاس لفرش نـ أدغاغ، لوسع نّس شارت نـ ئغالّن، ألغم يتسونّط عقا د ألمّاس نـ أفرا، د أفرا يسطشو سي ئمشم، ئولي سن نـ ئغالّن، د تگّون ـاس ؤيدر، يولي زگني نـ أغلّ، نيت يتطف تكلوت، دد سوددن تيرو أوفاق د ألمّاس نـ لفرش، أتـ يطّف سي نّج كوتو يزگرت، يطّف ئغف نـ كوتّو دي مارو نـ أندور، سـ ياه، د سـ ياه، تّاوين قشقوش وايط يزگرت، شارت نـ ئغالّن، تسكمون ـت دي بوريع نـ عقا، د سكمون ئغف نّس ؤدجون دي أوقاف، د أتـ طّفن [ـت] سـ قشقوش مشّك، طّفن عقا سي برّا، سـ تالوحت، دد سـ بوراع نـ قشقوش ؤه، يكمو دي بوريع(1) نـ عقا، سـ برا سكمون (42) ديس قشقوش وايط مشّك، يطّف تلوحت، د﴿د﴾ عقا، د يقّيم عقا ول يگّور، لا ساه، لا ساه، يتنّط د أمكان نّس، دي ئغف نـ قشقوش وي نـ برا، يتاس ـد سي ؤيدر ئن برّا، د نّگ ـاس يفّغ زگني نـ أغلّ، تقّنن ديس ألغم، د أ يقّيم يطنط أف أفرا، ينزّغ دي قشقوش ؤه، دد نيت يتسونّط دي عقا، دد عقا يتنّط أف لفرش، يراژ دي أزمّور، أل مّي أتـ يدج د أرن، يتسوفّغ د أرن ئه ئن برّا، أتـ يطّف ؤيدر ئه. نطّرن أزمّور سـ تاسونيت، دي بوط نـ أوقاف، يتفّغ أشّار، أشّار، أل مّي أ يوقا أزمّور نـ أندور، سي ؤير ئن ؤير د سن نـ ئفاسّن نـ تويباتين.

سـ يوس، غر ـسن تشوماي تي نـ تيورين أم ئسناين، ئماون نّسنت تيّوقت، أتن طشارن سـ تكلّوت، أتن تاوين ئن ؤقدو نـ تشوماي، أد سرسون ؤدجون أف ؤدجون، أن أد اوطن ـت كّژ نـ ئفاسّن، د ؤقدو ديس تاطونت، تّاوي ئن تگرّيمت نـ ألمّاس أمرجين د دي.