قصور وطرقات جبل نفوسة

سـ ئس تتوازان، أمرجين يقّيم سـ أدّاي، د دي أيـ الي مصعد، د يفّغ سي تگرّيمت أن ألمّاس، أ يكم دي أل مّي أ تطشار، تي نـ ألمّاس، سـ أمرجين.

ديس ؤقدو (ص43) دي بوط نّس، يغمس سـ تاغريت، يتسوفّغ أمرجين ئن برّا، تسمونقزن سـ ئس أمرجين.

ئباب نـ درار تژّان تمداي ئمول، د تژورين، تميلن ديسن سـ ؤلّي، غر ـسن تزداي دروسن، سّاغون تفوناسين، د تاتّن، د تغاطّين دي تگرست. تعزّبن سـ ئسنت دي ئرجانن، دي رّبيع تفّغن سـ ئسنت ئن جّفارت، د طّاهر، سـ ئبرگان، تتبعن تيگا(1) ماني تلاّ، أل مّي أد ياس ئمجار نـ مندي، أد سكمون تسدنان ئن ئغاسرا، ﴿ؤ﴾گّورن ئرگازن ئن ئمگار، أد مگرن، د أد شيشلن،

[د] أد سكمون طمژين.

[أن] أد هوان تمطكان، [أد هوان] يودان ديد تسدنان نّسن ئن تمطشين، ئن لخريف، د أ دّولن ئن ئغاسرا، أد فّغن ئن تيرزا، دد أد جون تسدنان تگّونت دي تودفت، ئرواط نّسن، ئحولين، د تكوبّاتين.

لفصل دي ئسلان نـ ئباب نـ درار

أتـ ادلن ديس أسّ نـ لخميس، سي أتـ الي توفوت، أد اوين ئلغمان، د أد گون غف ـسن برگن، أد ؤگورن ئن ئسغارن، تاسونت ـد تسدنان أد اوينت طمژين، أتن تارفنت، د أد قيمونت أف تسارا أد ژضونت، أسوّيك وي (ص44) نـ طومّن، د أرن وي نـ أرواي، د أد كّرنت أشّار سـ ئسنت أتـ سيفّونت، د أشّار تگّونت توقديرين، أف تفاوت، أد سوونت أن أد اسون ئباب نـ ئسغارن، أد افون مكلي يمسرس، أد تشون ئرگازن نيتن ئمزوارن، د أد تشونت تسدنان، أن تمدّيت، أد اسون يودان ئمقرانن نـ أغلض، أد كمون دي گاجي وي نـ تندجيفت، د أد اوين ـد أسويك ووه، د دي، د تيژيواوين، روّين طمّن، ﴿ا﴾ تّسرسون د ئدوسكان.